في الحصار وعلى وقع الحصار، تم تصوير هذا الفيديو الخاص بأغنية "تتليت" بالإشتراك مع أهالي مدينة دوما في الغوطة الشرقية المحاصرة.

أن يرى هذا الفيديو النور معناه أن كل حواجز الظلم وحصاره وطيرانه وقصفه، لا يمكن لها أن تمنع هذه الأغنيه من أن تصل لناسها وتفعل فعلها.

"مين؟” هو السؤال الذي يعيد أهالي دوما طرحه على أنفسهم وعلينا وعلى العالم، مستخدمين أغنية بو ناصر الطفار ومرسلين تحية من دوما الى البقاع ومنها الى بيروت ولبنان.

مين ؟  كل مرة تسأل هذا السؤال تقترب من الحقيقة خطوة ...

بو ناصر في : تتليت 
موسيقى : مونما

تصوير :
تيم السيوفي
غيث بيرام
رأفت بيرام

مونتاج : سعيد البطل و رايا يمشه
إخراج : سعيد البطل

إنتاج : رسل - بدايات 2016

المدة: 4:33

كلمات الاغنية :

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

إيقاع المونما يبن عمّي الصوت علّي
خلّي يشفى هالقلب من كل علّة
ضل دلّ سبّ كبّ حجار علّي
عيشتي و عيشتك لجهنم قلبها
بكّى عيون العالم و حرق قلبها
كل هالتماثيل واجب قلبها
و واجب يبكي البكّاك الدمعة دم
و خلّى العمر كلّه يمشي زود دم ع دم
من تحت الارض يخي طلع دم عدم
كل أفعى ببطن الشعب كبّت سمّا
و كل من نزع سهرة عيلة طيبة سمّا
ناصردين الإشيا بأسمائها سمّا
و ما بعمره حب الشهرة للكلام فضّى
و لا بعمرا الروح انباعت كرامة حشيش و فضّة
سيرة انّي اخلص خلص فضّا
و تسمّع راب و عتاب
و زتّ عالظلمنا يوم لوم و عتاب
ما بدّي قصور صدور بيوت و عتاب
بدي كون حرّ عرصيف شارع فرعي
بغنّي عن الجيرة و العشرة بكلام فرعي
بكون حرّ عرصيف شارع خالي
لا تقلّي الحزب أمك هاك الكلب منّو خالي .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟

مين ضلّو حدّك ؟

و مين طرّى حدّك ؟
و مين لمّا وقعت قال خلصت هون حدّك ؟
مين ضلّو ماضي ؟
و مين نسي ماضي ؟
و مين عرفت مأخّر إنو لعدوّك ماضي ؟
مين مالو مال ؟
و مين عنده عزّة نفس لكن ما لو مال ؟
و مين استقرش حتّى حكيه صار مال و مال و مال و مال ؟
مين إبن طايفة ؟
و مين لمّا بتبزق بوجهو بيقول طايفة ؟
مين باع دين؟
بالهرمل إلي أخوة مهما كانو باعدين
مرّة العيشة بين حيطان زرقا مرّة
مرّة بس طلاع و شوف الدني برّا مرّة
و شوف كيف الافتراضي فيه يكون جدّي
و خلّي الثورة تضرب من وسط طهران و جدّة
و هدّي خوك ان وقع قدّام العدوّ نهار
و انهر كلّ من ركع قدّام العدوّ و انهار
نحنا كتاب الكذب ما روانا
و نهر الخمر اللي بالجنة ما روانا
بالقانون ممنوع تتليت ماروانا
و اللي تلّى الدم ديه عالرئاسة متلّت .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (٤)